ನನ್ನ ಬಗ್ಗೆ
- ಭಾರತೀಯ
- ಜೀವನವನ್ನು ಎಲ್ಲಾ ದಿಕ್ಕಿನಿಂದ ನೋಡಬಯಸುವ ಒಬ್ಬ ಸರ್ವೇ ಸಾಧಾರಣ ಮನುಷ್ಯ. ಚಿಕ್ಕವಯಸ್ಸಿನಿಂದಲೇ ಸಾಹಿತ್ಯದ ಕಡೆಗೆ ಒಲವು ಬೆಳೆಸಿಕೊಂಡ ಆದರೆ ಬದುಕಿಗಾಗಿ ತಂತ್ರಜ್ಞಾನವನ್ನು ಅಭ್ಯಸಿಸಿದ ವ್ಯಕ್ತಿ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲ್ಲೂಕಿನ ಚಂದಾವರವೆಂಬ ಪುಟ್ಟ ಗ್ರಾಮ ನನ್ನ ಮೂಲ. ಈಗಾಗಲೇ ಒಂದು ಕವನ ಸಂಕಲನ ಪ್ರಕಟಿಸಿರುವ ಮತ್ತು ಹೊಸದಾಗಿ ಬರೆದವುಗಳನ್ನೆಲ್ಲ "ಸಾಹಿತ್ಯ ಚೈತ್ರ" ದಲ್ಲಿ ಪ್ರಕಟಿಸುತ್ತಿರುವ ಹೊಸತಲೆಮಾರಿನ(ಕಡೆ ಪಕ್ಷ ವಯಸ್ಸಿನಲ್ಲಿ) ಕವಿ. ನನ್ನ ಕುರಿತು ಇದಕ್ಕಿಂತ ಹೆಚ್ಚಿನದೇನೂ ಹೇಳಿಕೊಳ್ಳುವಂತದ್ದಿಲ್ಲ... ಹಾಗೇನಾದರೂ ಹೇಳಬೇಕೆಂದು ಕೊಂಡಾಗ ಬ್ಲಾಗಿಗೆ ಬರುತ್ತೇನಲ್ಲಾ?
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ
ಪೋಸ್ಟ್ಗಳು
ಕಾಮೆಂಟ್ಗಳು
ಶುಕ್ರವಾರ, ಫೆಬ್ರವರಿ 14, 2014
ಜೊತೆ ಜೊತೆಗೆ ನಡೆಯೋಣ
ಹಿಡಿತದಲ್ಲಿರದ ಕನಸುಗಳು ನಿಜವಾಗಿ
ಉಪ್ಪು,ಹುಳಿ,ಖಾರ ಬಯಸುವ ಇಂದ್ರೀಯಗಳು|
ಅತ್ತಿತ್ತ ಅರಸಿದಾಗ ಅವಳು ಕಂಡಳು
ಮೊಟ್ಟಮೊದಲು ಮನಸಿಗೆ ಹಿಡಿಸಿದಳು||
ಗೆಜ್ಜೆಯ ಸದ್ದು ಮಾಡುತ್ತಾ ಅವಳು
ಹೆಜ್ಜೆಯ ಜೊತೆಜೊತೆಗೆ ಹಾಕುತಿರಲು|
ವಜ್ಜೆಯಾದ ಹೃದಯದಲ್ಲಿ
ಲಜ್ಜೆಯ ಭಾವ ಮೂಡಿತು||
ನಾನೂ ನೋಡಿದ್ದೇನೆ ಹುಡುಗಿಯರ ಬಹಳ
ಆದರೆ ಇಂತಹವಳು ಸಿಗುವುದು ವಿರಳ|
ಇವಳ ಶಬ್ಧಕೋಶದಿ ಇಲ್ಲವೇ ಇಲ್ಲ ಜಗಳ
ಈಕೆ ಮಾತ್ರ ಯಾಕೆ ಇಷ್ಟು ಸರಳ?||
ನಲ್ಮೆಯ ನಲ್ಲೆ ಎದುರಿರಲು
ಒಲುಮೆಯ ಮಾತು ಬರದಾಯಿತು|
ಸುಳಿಯೊಳಗೆ ಸಿಕ್ಕ ಜೀವದಂತೆ
ವಿಲವಿಲನೆ ಒದ್ದಾಡಿತು||
ಪ್ರಿಯೆ,
ರಸಿಕ ಕವಿಯೆಂದು ಜರೆಯಬೇಡ
ಮತ್ತೆ ಮತ್ತೆ ನೋಡಿ ನಗಬೇಡ|
ಹತ್ತಿರ ಬಂದಾಗ ಓಡಬೇಡ
ಮುಗ್ಧಮನವಿದು ಅರಿಯದಿರಬೇಡ||
ಆರದ ದಾಹ, ತೀರದ ಮೋಹ
ಹರೆಯದ ಬಯಕೆಗಳ ಮೆಟ್ಟಿನಿಂತು|
ಪ್ರೌಢತೆಯ ಕಡೆಗೆ ತಿರುಗುವಲ್ಲಿ
ಎಡವಿದ ಮನ ಮತ್ತೆ ಜಾರಿತು||
ನೀ ದೂರವಿದ್ದರೂ ಪರವಾಗಿಲ್ಲ
ಮಾತನಾಡದೇ ಹೋದರೂ ಚಿಂತೆಯಿಲ್ಲ|
ಆಂತರ್ಯದಲ್ಲೊಂದು ಸಣ್ಣ ಸೆಳೆತ
ಕೆಣಕುವುದು ನನ್ನ ನಾಡಿ ಮಿಡಿತ||
ಗೊತ್ತು ಗೆಳತಿ ಒಲವೊಂದೆ ಬದುಕಲ್ಲ
ಸವಾಲುಗಳಿರದ ಜೀವನವಿಲ್ಲ|
ನಂಬಿಕೆಯ ಠೇವಣಿ ನೀ ಜಮೆ ಮಾಡಿದರೆ
ಭದ್ರತೆಯ ಬಡ್ಡಿ ನಾ ನೀಡುವೆ||
ನನ್ನಾಸೆಗಳಿಗೆ ಉತ್ತರವಾಗಿ
ನೀ ಬರಬೇಕೆಂದು ನಾ ಬಯಸುವುದಿಲ್ಲ|
ಸ್ವಾರ್ಥವ ಮೀರಿದ ಪಯಣದುದ್ದಕ್ಕೆ
ಸಹಗಾಮಿನಿಯಾಗಿ ಬರಲಾರೆಯಾ?||
- ಭಾರತೀಯ
ಪ್ರಸನ್ನ. ಆರ್. ಹೆಗಡೆ
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
3 ಕಾಮೆಂಟ್‌(ಗಳು):
Hrudayadalli mugdha nage mudisitu nimma e sundara kavana... super writing, dedicated to those who have a one way valentine :)
ಬಹಳ ಚೆನ್ನಾಗಿದೆ
Raghavendra mattu Sneha ibbarigu dhanyavaadagalu :-)
ಕಾಮೆಂಟ್‌ ಪೋಸ್ಟ್ ಮಾಡಿ