ನನ್ನ ಬಗ್ಗೆ
- ಭಾರತೀಯ
- ಜೀವನವನ್ನು ಎಲ್ಲಾ ದಿಕ್ಕಿನಿಂದ ನೋಡಬಯಸುವ ಒಬ್ಬ ಸರ್ವೇ ಸಾಧಾರಣ ಮನುಷ್ಯ. ಚಿಕ್ಕವಯಸ್ಸಿನಿಂದಲೇ ಸಾಹಿತ್ಯದ ಕಡೆಗೆ ಒಲವು ಬೆಳೆಸಿಕೊಂಡ ಆದರೆ ಬದುಕಿಗಾಗಿ ತಂತ್ರಜ್ಞಾನವನ್ನು ಅಭ್ಯಸಿಸಿದ ವ್ಯಕ್ತಿ. ಉತ್ತರ ಕನ್ನಡ ಜಿಲ್ಲೆಯ ಹೊನ್ನಾವರ ತಾಲ್ಲೂಕಿನ ಚಂದಾವರವೆಂಬ ಪುಟ್ಟ ಗ್ರಾಮ ನನ್ನ ಮೂಲ. ಈಗಾಗಲೇ ಒಂದು ಕವನ ಸಂಕಲನ ಪ್ರಕಟಿಸಿರುವ ಮತ್ತು ಹೊಸದಾಗಿ ಬರೆದವುಗಳನ್ನೆಲ್ಲ "ಸಾಹಿತ್ಯ ಚೈತ್ರ" ದಲ್ಲಿ ಪ್ರಕಟಿಸುತ್ತಿರುವ ಹೊಸತಲೆಮಾರಿನ(ಕಡೆ ಪಕ್ಷ ವಯಸ್ಸಿನಲ್ಲಿ) ಕವಿ. ನನ್ನ ಕುರಿತು ಇದಕ್ಕಿಂತ ಹೆಚ್ಚಿನದೇನೂ ಹೇಳಿಕೊಳ್ಳುವಂತದ್ದಿಲ್ಲ... ಹಾಗೇನಾದರೂ ಹೇಳಬೇಕೆಂದು ಕೊಂಡಾಗ ಬ್ಲಾಗಿಗೆ ಬರುತ್ತೇನಲ್ಲಾ?
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ
ಪೋಸ್ಟ್ಗಳು
ಕಾಮೆಂಟ್ಗಳು
ಭಾನುವಾರ, ಫೆಬ್ರವರಿ 16, 2014
ನರ್ತಿಸುತ್ತಿದ್ದಾಳೆ
ಕಾಶ್ಮೀರಿ ಬಾಲೆ
.jpg)
ಕತ್ತೆತ್ತಿದಷ್ಟೂ
ಹಿಮಚ್ಛಾದಿತ ಕಾಡು
ಮೈ ಕೊರೆವ ಛಳಿಯ ಬೀಡು|
ಕಣಿವೆ ಕೊಳ್ಳಗಳ ನಾಡು
ಸುಂದರ ಕಾಶ್ಮೀರವ ನೋಡು||
ನಿಸರ್ಗವೇ
ಕಟ್ಟಿಕೊಟ್ಟ ಸ್ವರ್ಗ
ಭೂರಮೆಯ
ರತ್ನ ಮುಕುಟ|
ಹಸಿರವಸ್ತ್ರ
ಉಟ್ಟ ನಿಸರ್ಗ
ಕಣ್ ಕೋರೈಸುವಂತೆ ಹಿಮಲೇಪ||
ನರ್ತಿಸುತ್ತಿರುವಳು
ಕಾಶ್ಮೀರಿ ಬಾಲೆ
ತಾಳಕ್ಕೆ
ತಕ್ಕಂತೆ ಹೆಜ್ಜೆ ಹಾಕುತ್ತಾ|
ನವಭಾವಗಳ
ನಮೂದಿಸುತ್ತಾ
ನವರಸಗಳ
ನಿವೇದಿಸುತ್ತಾ||
.jpg)
ಚಂದನದ ಮೈಯ ಬೊಂಬೆಯಂತಹ ಬಾಲೆ
ನರ್ತಿಸುತ್ತಿರುವಳು
ಗೆಜ್ಜೆಕಟ್ಟಿ|
`ಝಲ್'`ಝಲ್' ನಾದ ಹೊಮ್ಮಿಸುತ್ತಾ
ಶ್ರೋತೃಗಳ
ಮನ ತಣಿಸುತ್ತಾ||
ಮೊಳಗುತ್ತಿದೆ
ಸನಿಹದಲ್ಲಿ
ಬಂದೂಕಿನ
ನಿರಂತರ ಮೊರೆತ|
ಕೊನೆ ಉಸಿರು ಬಿಡುವಾಗೀನ ಚೀತ್ಕಾರ
ರಕ್ತದೋಕುಳಿಯ
ಮೇಲೆ ಜೈಕಾರ||
.jpg)
ನಲುಗಿ ನಡುಗುತ್ತಿದೆ ಕಾಶ್ಮೀರ
ವಿದ್ರೋಹಿಗಳ
ಕೈಯಲ್ಲಿ ಸಿಲುಕಿ|
`ದಾಲ್'ನ ನೀರಿನಲ್ಲೂ ಲಾಲ್
ವರ್ಣ
ಭಯದ ವಾತಾವರಣ ಕ್ಷಣ ಕ್ಷಣ||
ಓ ಅನಾಮಿಕ ಆಗಂತುಕ
ಕ್ರೂರ ನೀ ಭಯೋತ್ಪಾದಕ|
ಉತ್ತರಿಸು
ಓ ನರಹಂತಕ
ಇನ್ನೆಷ್ಟು
ದಿನ ಈ ಪಾತಕ||
ಉಸಿರಾಡುವ
ಗಾಳಿಯಲ್ಲಿಯೂ
ಭಯದ ನೆರಳು ಸೋಕಿಸಿದವನೆ|
ಏತಕೀ ತಣ್ಣನೆಯ ಕ್ರೌರ್ಯ?
ಏತಕೀ ಬಿಡಲಾರದ ಹಗೆತನ?||
ಎಲ್ಲಿದ್ದಾರೆ
ಕಾಶ್ಮೀರಿಗಳು?
ನಿಸರ್ಗ
ಮಾತೆಯ ಸ್ವಂತನಾಡಿನಲ್ಲೆ?|
ಸುಂದರ ಶಾಲಿನ ಒಳಗಡೆಯೇ? ಅಥವಾ
ಸತ್ಯ ಸಾರುವ ಸಮಾಧಿಗಳೊಳಗೆಯೇ?||
ನುಣುಪು
ಮೈಯ ಬಾಲೆ ನರ್ತಿಸುತ್ತಿದ್ದಾಳೆ
ಬಂದೂಕಿನ
ತಾಳಕ್ಕೆ ತಕ್ಕಂತೆ|
ಶ್ರೋತೃಗಳೇ
ಇಲ್ಲದ ಸಭಾಭವನದಿ
ಯೋಧನಿನ್ನೂ
ನಿಂತಿದ್ದಾನೆ ಮೈ ಕೊರೆವ ಛಳಿಯಲ್ಲಿ|।
- ಭಾರತೀಯ
ಪ್ರಸನ್ನ ಆರ್ ಹೆಗಡೆ
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಕಾಮೆಂಟ್‌ಗಳನ್ನು ಪೋಸ್ಟ್ ಮಾಡಿ (Atom)
2 ಕಾಮೆಂಟ್‌(ಗಳು):
Kashmir mele ero Nimma Preethi bhavanegalu, yodhar meliro kalajiyannu toruva nimma kavite chennagide.. adre allaguva anahutagalige karana vagiruva adara hinduruva rajakaranada bagge barididre chennagirtittu..
Khandita, raajakaaranigala mattu kaashmirada hesarinalli aaguttiruva raajakaranada kuritu prajnapoorvakavaagiye naanu baredilla. Yaakendare kaleda 67 varshagalli enu maadadavaru mundeyaadaru enadaru maaduviremba nambike nanagulidilla... aadare kaashmirigalannu bharatada itara raajyagala janarante nodubekagiruva namma manastitiya agatyateyannu etti torisuvudu ee kavanada pramukha aashaya. Nimma salahege anantanta dhanyavaadagalu :-)
ಕಾಮೆಂಟ್‌ ಪೋಸ್ಟ್ ಮಾಡಿ